Томскида «Лента»сәүдә үзәгендә ут төртүдә шикләнелүче тоткарланган. Компания мәгълүматларына караганда, ул сәүдә залында эшләгән гипермаркетның подрядчы оешмасы хезмәткәре булып чыккан.
«Ул үз гаебен таныган, аның белән полиция эшли», – дип хәбәр итә «Лента»матбугат хезмәте.
Гипермаркетта янгын бүген пиротехника сата торган бүлектә чыккан. Ялкын 5 мең кв.м мәйданны ялмап алган, бинаның түбәсе җимерелгән. 200гә якын кеше эвакуацияләнгән, зыян күрүчеләр юк.
