4 гыйнвар: Казанда кайда күңел ачу чаралары була?

Бүген, 4 гыйнварда, Казан халкын нинди кызыклар көтә соң?

13 гыйнварга кадәр «Казан» гаилә үзәге янындагы мәйданчыкта «КышДаКарФест» фестивале уза. Биредәге Яңа ел ярминкәсендә республика һөнәрчеләре, фермерлары үз продукциясен тәкъдим итә.

«Казан Кремле» музей-тыюлыгы да 10 гыйнварга кадәр театральләштерелгән тамашаларга, Кыш бабай һәм Кар кызы катнашындагы Яңа ел экскурсияләренә, уеннар, квестлар, мастер-класслар, иҗади дәресләргә чакыра. Кремль территориясендә урнашкан җиде музейның һәркайсы балалар һәм өлкәннәр өчен үзенчәлекле программа әзерләгән.

Моннан тыш:

❖ 11:00 сәгатьтә «Черек күл» паркында фигуралы шуу буенча балалар өчен мастер-класс узачак;

❖ «Калейдоскоп» паркы һәм «Ак чәчәкләр»бульварында «Кыш бабай һәм Кар кызы» дип аталучы бәйрәм программасын күрсәтәчәкләр;

❖ 17:00 сәгатьтә «Казан» гаилә үзәге янындагы мәйданчыкта бәйрәм чарасы узачак;

❖ 19:00 сәгатьтә казанлылар һәм шәһәр кунакларын Кабан күле яр буена, шәүләтеатрын тамаша кылырга чакыралар.

Яңа елга багышланган чараларны Казан циркыһәм «Әкият» курчак театрына барып та карарга мөмкин. Тамашалар 9 гыйнварга кадәр дәвам итәчәк. Казанның яшь тамашачы театрларында, Качалов театры, Камал театры һәм Тинчуринтеатрында да балалар өчен махсус спектакльләр күрсәтеләчәк.