Яр Чаллы буенча Эчке эшләр министрлыгы идарәсе 12 яшьлек кызны көчләүдә шикләнүче КФУның Чаллы филиалы хезмәткәрен тоткарлау турындагы мәгълүматны кире какты, дип хәбәр итә Chelny-biz.ru. Ир-ат янәсе тоткарланган дигән мәгълүмат элегрәк социаль челтәрләрдә пәйда булган. Эчке эшләр министрлыгында раслауларынча, ир-атны эзләүгә игълан итмәгәннәр һәм тоткарламаганнар.
«Моннан тыш, күрсәтелгән текстта зыян күрүченең шәхси мәгълүматлары бозылган һәм чынбарлыкка туры килми», — диелә Идарә хәбәрендә.
Социаль челтәрләрдә барлыкка килгән мәгълүматта инцидент узган ел ахырында булган дип раслана: ир-ат, янәсе, 12 яшьлек кызны машинага утыртып, фатирга алып киткән һәм көчләгән. Шикләнелүчене янәсе тоткарлаганнар һәм җинаять эше кузгатканнар. Мәгълүматка беркетелгән ориентировка фотосы ялган, дип раслыйлар полициядә.