РИА Новости хәбәр иткәнчә, «Асылда, дефолт өчен ниндидер шартлар юк. Мондый шартлар ясалма рәвештә барлыкка килә һәм безне ясалма рәвештә шуңа ышандырырга тырышырга мөмкиннәр», — диде дәүләт башлыгының матбугат сәркатибе Дмитрий Песков.
Финанс министрлыгы һәм башка финанс ведомстволары җитәкчеләре Россиядә барлык тышкы бурычларны сумнарда түләү өчен ныклык запас булуын раслады.
Күптән түгел Халыкара валюта фонды башлыгы Россиядә дефолт булу мөмкинлеге турында әйткән иде. Аның сүзләренчә, «моңарчы күрелмәгән санкцияләр» илне рецессиягә этәргән.
23 февральдә ЛНР һәм ДНР республикаларының җитәкчеләре Россия Президенты Владимир Путин белән очрашты. 24 февраль иртәсендә Көнбатышның күп кенә илләре бу карарны хупламау турында белдерде һәм Россиягә каршы санкцияләрне катгыйландыра башлады.
Украина һәм Төркия Тышкы эшләр министрлыгы башлыклары белән сөйләшүләрдә РФ Тышкы эшләр министры Сергей Лавров белдергәнчә, Россия НАТО һәм Евросоюз ягыннан кертелгән чикләүләргә бирешмәячәк.
