– Кеше үлгәч, өйдә берничә көн ашарга ярамый, диләр. Бу дөресме?
Гөлия. Мамадыш
Сорауга Саба районының Сатыш авылы имам-хатыйбы Алмаз хәзрәт Галимҗанов җавап бирде.
– Гадәттә, өйдә бу вакытта мәшәкать күп була. Кеше бик интегеп, авырып үлгән булырга мөмкин, шул рәвешле өйдә ис тә булуы бар. Ризыкка мохтаҗлык кичерү дә ихтимал. Бездәге гадәт буенча, үлем ишек каккан йортта ашамыйлар. Йә күршеләре чакыра, йә башка җиргә баралар.
