Россиянең 11 аэропортына очышларны вакытлыча чикләү режимы 19 майга кадәр озайтылды. Бу хакта “Росавиация” хәбәр итә.
Биредә сүз Анапа, Белгород, Брянск, Воронеж, Геленджик, Краснодар, Курск, Липецк, Ростов-Дон, Симферополь һәм Элиста шәһәрләренең “һава капка”лары турында бара.
“Россия авиакомпанияләренә пассажирларны, Сочи, Волгоград, Минеральные Воды, Ставрополь һәм Мәскәү аэропортларыннан файдаланып, башка маршрутлар буенча йөртү тәкъдим ителә”, – диелгән ведомствода.
Калган аэропортлар гадәттәгечә эшли.
