2022 елда БДИга керү өчен укучыларга вакцинация турында сертификатлар күрсәтергә яки ПЦР-тестлар күрсәтергә кирәкми. Бу хакта пәнҗешәмбе көнне «кайнар линия» барышында Мәгариф һәм фән өлкәсендә күзәтчелек федераль хезмәте башлыгы Анзор Музаев хәбәр итте.
— Әмма эпидемиологик куркынычсызлыкның барлык кирәкле чаралары да үтәләчәк, — диде Музаев. — Имтихан бирүчеләрнең һәм оештыручыларның кергән вакытта температураларын үлчиләр. Оештыручылар битлекләрдән булачак, ә укучыларга битлексез дә керү мөмкин.
Исегезгә төшерәбез, БДИнең төп этабы бер атнадан, 26 майда башлана. Имтиханга 740 мең кеше теркәлгән. Быел һәркем ике мәҗбүри фән — рус теле һәм математиканы, ә вузларга укырга керергә теләүчеләр башка фәннәрне сайлап ала.
