Елга буйлап сәяхәт итүчеләрне ишәйтү күздә тотыла. Дәүләт Советы Рәисе Фәрит Мөхәммәтшинның Дәүләт Думасының Туризм буенча комитеты әгъзалары белән очрашуында шул хакта сөйләштеләр. Комитет рәисе Сангаҗи Тарбаев җитәкчелегендәге парламент делегациясе Татарстанга Идел һәм аның кушылдыклары янында урнашкан төбәкләрдә туризмны үстерү, шулай ук елгада пассажирлар йөртүне оештыру мәсьәләләрен өйрәнү өчен килгән. Төбәк хакимиятләре органнарының бу юнәлештәге эш тәҗрибәсе Татарстан һәм Чуашстан үрнәгендә карап тикшереләчәк.
– Казан – туристларның иң яраткан шәһәрләреннән берсе, – диде Фәрит Мөхәммәтшин. – Узган елда республикада 3,3 миллионнан артыграк кеше булып китте.
Әлбәттә, коронавирус пандемиясе туризмга тискәре йогынты ясаган. Әмма хәзер хәлләр яхшыра, эчке туризм үсә. Дәүләт Советы Рәисе әйтүенчә, республикада туризмны үстерүгә зур игътибар бирелә. Бездә бик күп мәдәни мирас объектлары, Болгар һәм Свияжск, борынгы шәһәрләр, музей-тыюлыклар бар. Республиканың уңайлы урында урнашуы, юлларның әйбәт булуы, шулай ук бездә үткәрелеп килә торган халык бәйрәмнәре, төрле чаралар туризмны үстерүгә ярдәм итә.
Комитет рәисе Сангаҗи Тарбаев, үз чиратында, елга туризмын үстерү мәсьәләсенең Дума һәм Хөкүмәт дәрәҗәсенә чыгарылуын билгеләп үтте. Аның әйтүенчә, бу җәһәттән Идел буе федераль округының Иделдә сәяхәт” проекты зур әһәмияткә ия. Хәзерге вакытта анда 7 төбәк: Татарстан, Мари Иле, Пермь крае, Түбән Новгород, Ульяновск, Саратов өлкәләре, Мордовия катнаша.
– Беренче чиратта нәкъ менә Идел туризмы белән шөгыльләнергә кирәк. Соңрак мондый проектны Дон һәм Ока елгаларына да җәелдерергә мөмкин. Тулаем алганда, Татарстан туризм өлкәсендә күп кенә төбәкләр өчен үрнәк булып тора, – диде комитет рәисе.
АнонимЯхшы кеше кайдада югалмас,без ышанабыз тыныч булсын.Бакчада балтырган үсеп утырган өчен күпме штраф каралуын әйткәннәр
Загрузка ...
