Чаллы промзонасында – двигательләр заводы каршында — куркыныч юл-транспорт һәлакәтендә Виктор Поташев исемендәге техник көллиятне тәмамлаучылар зыян күргән дип хәбәр иткән идек.
Яшьләрне Автошәһәрнең ашыгыч медицина ярдәме хастаханәсенең травматология бүлегенә урнаштырганнар.
— Икесе авыр хәлдә, икесе урта дәрәҗәдәге тән җәрәхәтләре алган. Зыян күрүчеләрнең берсе госпитализациядән баш тартты. Пациентларга кирәкле ярдәм күрсәтелә, — дип хәбәр итә шәһәр сәламәтлек саклау идарәсе матбугат хезмәте.