IKEA товарларын онлайн-сату 5 июльгә күчерелә. Элегрәк Россия базарыннан китә торган компания товарларын 1 июльдә сата башларга ниятләгән иде. Бу хакта базардагы чыганакка һәм IKEA хезмәткәрләренә сылтама белән «Известия» хәбәр итә.
Бәяләргә килгәндә алар кимесә дә, азга гына кимер, анда да ихтыяҗ зур булмаган товарларга, дип саный экспертлар.
Товарларны сату складлар бушаганчы дәвам итәр, дип планлаштырыла.
