Татарстанның балалар лагерьларында беренче смена тәмамланды. Аның барышында республиканың мәктәп яны һәм башка төр лагерьларында 86,5 мең бала ял итте, дип сөйләде Татарстан Республикасы Хөкүмәте Йортында узган киңәшмәдә республика Президенты Рөстәм Миңнеханов.
Икенче смена башлану белән ял вакытында балаларның иминлеген тәэмин итү, шул исәптән санитар нормаларны үтәү зарурилыгы яңадан туды.
«Җәйге ялны оештыруда мөһим бурыч — балаларның иминлеген тәэмин итү, шул исәптән санитар нормаларны катгый үтәү», — диде Рөстәм Миңнеханов.
Бурыч Роспотребнадзор, яшьләр эшләре министрлыгы һәм район башлыкларына йөкләнгән.
Икенче сменада Татарстан лагерьларында 23,5 меңнән артык бала ял итәр дип планлаштырыла.
