Башкортстанда пассажир автобусы белән «Камаз» бәрелешү нәтиҗәсендә алты кеше һәлак булган. Әлеге кайгылы хәбәрне Башкортстан башлыгы Радий Хәбиров хөкүмәтнең оператив киңәшмә вакытында хәбәр иткән.
— Безнең янә бик җитди һәлакәт, хәзерге вакытта алты кеше һәлак булды, – дигән республика җитәкчесе.
Исегезгә төшерәбез, авария 25 июльдә иртәнге 11 сәгатьтә Благовар районында, М-5 автоюлының 14132 километрында, Кашкалаш бистәсе янында булды. Ford Transit һәм «КАМАЗ » микроавтобусы бәрелеште. Якынча мәгълүматларга караганда, салонында егермегә якын пассажир булган микроавтобус Языково авылыннан Уфага рейс ясаган. М-5 автоюлының 1413 нче чакрымында ул «КамАЗ» автомобиле белән бәрелешкән.
Радий Хәбиров һәлак булган һәм зыян күргән кешеләрнең гаиләләренә психологик, әгәр һәм кирәк булса, медицина ярдәме күрсәтергә кушкан.
