Ставрополь краенда «Газель» маршрут таксие катнашында авария булган. Биш кеше, шул исәптән бала, һәлак була. Бу хакта региональ гадәттән тыш хәлләр идарәсе хәбәр итә.
«13: 05 сәгатьтә Әстерхан — Ставрополь автомобиль юлында бәрелеш булды:<…> нәтиҗәдә, ике автомобиль дә янган. Биш кеше һәлак булган, тагын биш кеше Петровка хастаханәсенә озатылган», — диелә хәбәрдә.
Төбәк ЮХИДИ идарәсе, үз чиратында, зыян күрүчеләр арасында Ипатово кешесе 14 яшьлек яшүсмер булуын ачыклаган. Һәлак булган баланың шәхесе әлегә билгеләнмәгән.
Идарә мәгълүматлары буенча,» Газель » кече Барханчак — Ставрополь рейсын башкарган. Chevrolet Cruze машина йөртүчесе каршы як полосага чыгып «Газель»га бәрелә.
Петровка районы прокуратурасы тикшерү эшен башлаган.