Tatar Radiosi Татарстан көненә һәм Казан шәһәре көненә багышланган бәйрәмнәрен ачып җибәрә һәм Казан халкына зур музыкаль бәйрәм — татар эстрадасы йолдызлары катнашында Open Air форматында бушлай концерт бүләк итә.
Җәйне күз алдына да китереп булмый торган вакыйгалар, чаралар бар. Һәм, мөгаен, иң мөһимнәреннән берсе — ул Tatar Radiosi татар популяр музыкасының масштаблы Open Airы. Бушлай шоу татар һәм башкорт йолдызларын, дистәләгән мең тамашачы һәм җыр яратучыларны җыя.
Беренче тапкыр Open Air 2001 елда Г.Камал театры каршында узды, ә 2019 елда «Горки-Әмәт урманы» паркында 20 меңнән артык кеше булды! 2020 елдан 2022 елга кадәр фестиваль эпидемиологик чикләүләр аркасында үткәрелмәде.
2022 елның 18 августында Tatar Radiosi «Казан» гаилә үзәге каршында татар хит-парадлары лидерларын яңадан бер урында җыя. 18.30 сәгатьтән башлап, шәһәрнең иң зур ачык мәйданчыкларының берсендә сезонның 30 татар йолдызы башкаруында иң популяр музыкасы яңгыраячак. Биючеләрнең гаять зур дүрт сәгатьлек марафоны, утлы музыка һәм бик яхшы кәеф шәһәр халкына Tatar Radiosi ннан чын бүләк булачак.
Күпсәгатьлек тамашаны ТМТВ «Балалы Солянка» балалар премиясе лауреатлары ачачак. Алып баручылар Гөлназ Сәфәрова, Рамил Шәрәфиев һәм яраткан радио диджейлары булачак. Һәм көтелгән төп сюрприз: хедлайнер, Татарстан меломаннарының яраткан һәм чын халык җырчысы Фирдүс Тямаев.
Бәйрәм концертында катнашалар: Шәрәпҗан, Лада, Илнат Фархуллин, Алмаз һәм Зөлфирә Мирзаяновлар, Лия Шамсина һәм Артур Маузер, DJ Радик һәм Айрат Сафин, Айдар Рәкыйпов, Илмира Нәгыймова, Марат Яруллин, Зәринә Асылкаева, Илдус Садыйков, Рәзил Камалов һәм Рәфинә Ганиуллина, Ришат Фазлыйәхмәтов, Булат Нигъмәтуллин, Айгөл һәм Эльмир Зиянгировла, Ләйсән Гимаева, Булат Бәйрәмов, Таңсылу, Гөлназ һәм Илсур Шәрипҗановлар.
Башлана — 18.30 сәгатьтә. Концертка керү ирекле.
