Кичә көндез Мамадыш районында М7 трассасында җиңел автомобиль белән йөк машинасы бәрелешкән.
«Татар-информ»га шаһитлар хәбәр итүенчә, Hyundai автомобиле «ГАЗель» белән бәрелешкән. Шуннан соң «ГАЗель» ауган. Җиңел машина трассадан юл кырыена төшкән.
Җиңел машинаны йөртүче һәлакәт урынында ук үлгән. Hyundai пассажирын һәм «ГАЗель» йөртүчесен хастаханәгә илткәннәр.
