Светлана Астафьеваны алты елга якын эзләгәннәр, нәтиҗәдә хатын-кызны тапканнар, ә менә акчаны — юк.
Хатын-кыз 14,2 миллион сум урлауда шикләнелә, тикшерү версиясе буенча, ул аларны приколлар банкы билетларына алыштырган. Ялган акчаларны 2016 елда «Банк Казани» баш офисында тапканнар. Миллионнар югалган көндә Астафьева һәм аның ире Юрий Спирин, балигъ булган улына фатирын күчереп, Казаннан юкка чыккан. Аларны хәтта федераль эзләүгә дә игълан иткәннәр.
Петербург чиркәүләренең берсенең камералары Астафьеваны күреп алганчы, биш елдан артык вакыт узган. Шуннан соң бу елның маенда Санкт-Петербургка Казан оперативниклары кузгала һәм шикләнелүчене тоткарлый. Аны шунда ук СИЗОга җибәргәннәр һәм шуннан бирле тоткарлау вакытын озайталар. Чираттагы тапкыр Астафьевага арестны тагын бер айга — 23 сентябрьгә кадәр озайттылар.
