Татарстан Дәүләт Советы Рәисе Фәрит Мөхәммәтшин депутатлардан хәрби хезмәткә чакырылучыларга һәм аларның гаилә әгъзаларына өлешчә мобилизация уңаеннан ниндидер вәгъдәләр бирмәүләрен сорады. Ул «Оборона министрлыгы приказында барысы да аңлатылды», дип белдерде.
Мөхәммәтшин кичә оборона министры Сергей Шойгудан хат алуын сөйләде.
— Без сезнең белән теләсә кайсы аудиториягә аңлатмалар белән чыгарга тиешбез. Ләкин чыкканда сез әзер булырга тиеш. Сезгә хәрби хезмәткә чакырылучылар һәм аларның гаиләләре мөрәҗәгать итәчәк, зинһар, беркемгә дә вәгъдәләр бирмәгез. Бу безнең эш түгел. Приказда алыначак кешеләр һәм аларның яше билгеләнгән. Без Чаллының мэры Наил Мәһдиевтан башлап башка депутатларга кадәр махсус операцияләрдә катнашырга әзер дигән 10 кешене җыйдык. Тагын бер тапкыр әйтәм, уяу булыгыз, әгәр шикләнүчеләр яки тыелучылар бар икән, хәтта парламентта да, үз өстегезгә кыюлык алыгыз. Чыгыгыз һәм алар белән сөйләшегез, безнең өчен хәзер хыянәтчеләр яки шикләнүчеләр кирәкми. Вәзгыять гади түгел, — диде Мөхәммәтшин.
