WhatsApp эшендә глобаль өзеклекләр барлыкка килгән. Бу хакта веб-сайтлар һәм мессенджерлар эшен күзәтүче Downdetector сервисы хәбәр итә.
Кушымтаның эшләмәве турында Россиядә генә түгел, башка илләрдә яшәүчеләр дә хәбәр иткән. Сайт мәгълүматларына караганда, өзеклекләр 9:30 сәгать тирәсендә килеп чыккан һәм хәзер дә дәвам итә. Бик күпләр хәбәрләрен җибәрә алмый, ә кайберәүләрдә кушымта бөтенләй эшләми.
Өзеклек турында әлегә бернинди дә рәсми хәбәр юк.
Исегезгә төшерәбез: “Телеграм”га нигез салучы Павел Дуров хакерларның WhatsApp аша телефонга үтә алуы, мессенджерның “шымчы коралы” була алуы турында кисәткән иде. Аның әйтүенчә, мессенджерның иминлек системасы бик йомшак.
