Галимнәр коронавирусның баш мие төзелешендә үзгәрешләр китереп чыгаруын ачыклаган. Алар чирне авыр формада уздыручыларда гына түгел, ковидны ис сизмәү кебек җиңелчә билгеләр белән аягөсте генә үткәргән кешеләрдә дә күзәтелә икән. 51-81 яшьлек 785 кеше арасында тикшеренү уздыргач, галимнәр түбәндәге нәтиҗәгә килгән:
– Әгәр сез ковид белән авырганда ис сизми башлагансыз икән, димәк баш миенең нәкъ менә шушы эш өчен җавап бирә торган өлеше кечерәйгән, — ди галимнәр. Баш миенең шушы зонасында соры матдәнең да азаюны ачыклаган алар. Шунда ук баш мие тукымасын зарарлаучы ялкынсыну билгеләре дә күзәтелгән.
– Коронавирус белән авырып терелгән кешенең баш мие кечерәя! Галимнәр ясаган икенче ачыш шуннан гыйбарәт. “Дөрес, яшь барган саен баш миенең соры матдәсе болай да кими бара. Әмма ковид бу процессны тагын да тизләтә”, – ди алар.
“Сell Reports Medicine” басмасы күптән түгел галимнәрнең тагын бер тикшеренү нәтиҗәләрен бастырган. 450 кеше арасында тикшеренү уздырганнан соң алар ковронавирустан соң кешенең авыр мәсьәләләрне хәл итү сәләте начарлануын, аның телдән әйтелгән мәгълүматны авырдан кабул итүен, мантыйк ягы аксавын ачыклаган.
