Казандагы югары уку йортлары Лисичанскта яшәүче балалар өчен ике меңләп данә Яңа ел бүләге әзерләгән.
Яңа ел күчтәнәчләре тиздән үз ияләренә барып җитәчәк. Бәйрәм алдыннан балаларны азмы-күпме куандыру идеясын Идел буе дәүләт физик культура, спорт һәм туризм академиясе тәкъдим иткән.
– Безнең барлык уку йортлары белән уртак чат бар. бу тәкъдимне ишетүгә, берәү дә битараф калмады – барысының да бераз булса да андагы балаларны сөендерәсе килде. Бер көн дигәндә ике меңләп Яңа ел бүләге җыйдык, – диде академиянең административ эш һәм социаль үсеш буенча проректоры Наталья Гречанникова.
Татлы бүләкләр белән беррәттән, уку йортлары хезмәткәрләре һәм студентлары балалар өчен уку кирәк-яраклары һәм уенчыклар да сатып алган.
