Йөк машинасының һәм микроавтобусның бәрелеше Донецк Халык Республикасының Шахтер районында 16 кешенең үлеменә китергән. Бу хакта бүген, 7 декабрьдә, ашыгыч хезмәтләргә сылтама белән ТАСС агентлыгы хәбәр итте.
«Шахтёрск — Торез автоюлында хәрби хезмәткәрләрне күчереп йөртүче йөк автомобиле микроавтобус белән бәрелешкән. 16 кеше һәлак булган, өч зыян күрүче хастаханәгә озатылган «, — дип аңлатты басманың әңгәмәдәше.
Һәлак булучылар арасында йөк машинасы йөртүчесе булуы ачыклана. Юл-транспорт һәлакәте урынында инцидент шартларын ачыклаучы оператив хезмәтләр эшли.
