Питрәч – Янсуар, Питрәч – Кәвәл, Питрәч — Шәле маршрутлары буенча автобус вакытлыча йөрмәячәк. Район хакимиятендә билгеләп үтелгәнчә, бу республикадан финанслау булмавы белән бәйле. Бу хактак «Алга» сайтында хәбәр ителә.
«Татарстанда 2019 елдан бирле авыл автобус маршрутларын оештыру өчен субсидия бирү каралган. Әлеге ярдәм белән Питрәч районы территориясендә 2019 елдан башлап 3 муниципаль маршрут буенча халыкка транспорт хезмәте күрсәтү оештырылды. Бүгенге көндә субсидия бүлеп бирү мәсьәләсе ТР Транспорт һәм юл хуҗалыгы министрлыгында килештерүдә тора. Шуңа бәйле рәвештә югарыда күрсәтелгән маршрутлар буенча автобус хәрәкәте вакытлыча туктатылды. Министрлык кирәкле финанслауны бүлеп бирүгә, муниципаль маршрутлар буенча автобуслар хәрәкәте яңартылачак», — дип яздылар район хакимиятенең рәсми аккаунтында.
