Казанның Идел буе районындагы 2нче Газ урамы атаклы эшмәкәр һәм Татарстаннан Дәүләт Думасы депутаты Айрат Хәйруллин исемен йөртәчәк.
Урамдагы йортларның адрес номерлары сакланып кала. Шәһәр башкарма комитеты җитәкчесе Рөстәм Гаффаров бу җәһәттән тиешле карарга кул куйган. Карар шәһәр документлары һәм хокукый актларының махсус чыгарылышында басылып чыккан.
Айрат Хәйруллин 2020 елның 7 февралендә 49 яшендә һәлак булды.
