| Ярый | Ярамый |
| Буыннары авыртканнарга диңгез кәбестәсе, креветка, койка (холодец), алма (кабыгы белән) ашарга киңәш ителә. | Итнең майлы сортларын, кыздырылган ризыкларны, төче газлы суларны, туңдырманы рационнан алыгыз. |
| В витамины терәк-хәрәкәт системасын ныгыта, әлеге витамин сөт продуктларында, йомырка, балык, бавыр, яшелчәләрдә бар. | Составында фосфат булган ризыкларны ашамагыз, фосфат организмда җыелып бара һәм остеопороз китереп чыгара. Мондый продуктларга куертылган сөт (сгущенка), спиртлы эчемлекләр, йомшак сыр (плавленый), краб таякчыклары, чүпрәле ак күмәч, казылык керә. |
| А витамины фосфор белән кальцийны үзләштерергә булыша. Ул кызыл төстәге продуктларда күп: болгар борычы, помидор, абрикос, кызыл ит, брокколи, сыр, балык, кишердә. | Кузгалак, шпинат, редистан да баш тартыгыз, чөнки аларда буыннар өчен зарарлы булган кузгалак кислотасы бар. |
| С һәм Е витаминнары организмдагы тернәкләнү процессларын тизләтә, ялкынсынуны бетерә. Организмыгызны әлеге витаминга баету өчен, рационыгызга алма, гөлҗимеш, цитруслар, чөгендер, брокколи, манго һәм үсемлек мае кертегез. | Составында пурин булган продуктларны да сак кулланыгыз: каһвә, кара һәм яшел чәй, шоколад, бавыр. |
| Кальцийны үзләштерү өчен, D витамины кирәк. Аны йомырка сарысыннан, сыер маеннан һәм эремчектән эзләгез. | Кыздырылган әйбер урынына парда пешкәнен ашагыз, газлы суны сок яки компотка алыштырыгыз, татлы ризыклардан күрәгә, кара җимешкә күчегез. |
| Магний нерв системасы өчен җавап бирә, терәк-хәрәкәт аппараты эшчәнлеге аңа турыдан-туры бәйле. Әлеге микроэлемент карабодайда, ногыт борчагы, чикләвек, ачы шоколадта бар. | Тозны да чамалап кына ашарга кирәк, чөнки ул организмда сыеклыкны тоткарлый. |
| Буыннар сәламәтлеге өчен омега-3 тә кирәк. Аның өчен әстерхан чикләвеге, арахис, майлы балык, үсемлек маен кулланыгыз. |
Телеграмда безнең каналга кушылыгыз: https://t.me/vatantat