МЧС башлыгы: “200 ләп балыкчыны коткарган бар”

Россия Гадәттән тыш хәлләр министрлыгының Татарстан буенча идарәсе башлыгы Рафис Хәбибуллинны әле дә елгаларда балык тотучылар борчый.

– Балыкчыларны гына карагыз әле. Инде бозга керергә ярамый дип торабыз. Әмма балыкчылар курыкмый. Көз айларында 200 балыкчыны коткардык. Язын 20ләп кешенең гомерен саклап калабыз. Без бүгеннән сулыкларга 10 коткару посты куйдык. Килерләр коткарырлар дип утырмасыннар иде. Кеше үзен-үзе кайгыртырга тиеш, – ди башлык.