«Планетага ярдәм итү» — Россия экология оешмалары акциясе. Алар бөтен дөньяда экологларны ресурсларны экономияләргә һәм экологик чиста тирәлеккә хөрмәт тәрбияләргә һәм «Планетага ярдәм итү» акциясен үткәрергә — 25 мартта 20.30 сәгатькә утларны сүндереп, энергия куллануны киметергә чакыра.
Экологларның гаризасы «Яшел патруль» гомумроссия иҗтимагый оешмасы сайтында бастырылган.
«Безнең җәмгыять, Россия экология оешмалары, тулаем Россия беркайчан да дөнья экология һәм климат проблемаларыннан читтә калмады: бу өлкәдә безнең мәнфәгатьләребез уртак һәм без һәрвакыт безнең белән бергә барырга әзер булучылар өчен ачык. Россиянең халыкара акциядә катнашуы шулай ук ил җитәкчелегенең тулаем экологик тематикага бирелгәнлеген ассызыклый», — диелә гаризада.
Акцияне оештыручылар билгеләп үткәнчә, аңа кушылгач, россиялеләр планетага ярдәм итәргә, аның ресурсларына һәм табигатенә сакчыл карарга әзер булуын күрсәтә.
Экологлар шулай ук акциядә дәүләт һәм шәхси оешмалар, федераль һәм төбәк хакимият органнарына катнашырга тәкъдим итә.
