Быел гыйнвар – февраль айларында Татарстанда 526576 сәяхәтче булып киткән. Узган елның шушы ук чорындагыга караганда 42,8 процентка күбрәк бу.
Рәсми статистика мәгълүматларына караганда, республика 2 ай йомгаклары буенча Идел буе федераль округы төбәкләре арасында туристларны иң күп җәлеп иткән төбәккә әйләнгән. Икенче урында – Түбән Новгород өлкәсе (312067 турист), Башкортстан – өченче (268152).
Исегезгә төшерәбез: быел гыйнвар аенда Татарстанда барлыгы 264,5 мең сәяхәтче булган. Бу – узган елның беренче аендагыга караганда 28 процентка күбрәк. Февральдә – 262 мең (2022 елның шушы ук аендагы күрсәткечтән 62,3 процентка зуррак).
Узган елда республикага килгән туристларның гомуми саны 3,7 миллион тәшкил иткән.
