Тайлар нинди йогышлы авырулар белән авырырга мөмкин?
Илшат Гарифуллин, Кайбыч
Сорауга Министрлар Кабинетының Баш ветеринария идарәсе башлыгы урынбасары Илдар Нугуманов җавап бирә.
— Тайларга бруцеллез, сап дигән йогышлы авырулар куркыныч тудыра. Соңгысы кешеләр өчен дә бик куркыныч, ул хәтта үлемгә китерергә мөмкин. Болардан тыш, Инан дигән авыру бар. Шуңа күрә тайларны каяндыр алып кайткан очракта, иң элек ветеринария идарәсенә хәбәр итәргә кирәк.
