СВО зонасында һәлак булган өлкән лейтенант Олег Сорокинга үлгәннән соң Россия Федерациясе Герое исеме бирелде. Бу хакта үзенең «ВКонтакте» битендә Татарстан Республикасы Мамадыш районы башлыгы Анатолий Иванов хәбәр итте.
4 майда Татарстан Республикасы Президенты Рөстәм Миңнеханов алтын йолдызны Олег Сорокинның әти-әнисенә тапшырды. Чара М.Җәлил исемендәге Татар академия дәүләт опера һәм балет театрында узды.
«Мин һәр мамадышлының аның исемен һәм батырлыгын белүен телим! Ата-анасына — Геннадий Николай улына һәм Светлана Владимир кызына түбән баш иябез! «- дип билгеләде район башлыгы.
