Махачкала АЗСында шартлау нәтиҗәсендә һәлак булганнарның гаиләләренә миллион сум түләячәкләр. Бу хакта төбәк башлыгы Сергей Меликов гадәттән тыш хәл нәтиҗәләрен бетерү буенча оператив штаб утырышында белдергән, дип яза Лайф.ру..
Ягулык салу станциясендә шартлауда һәлак булганнар саны 27гә кадәр арткан
«Дагестан Республикасы резерв фондыннан һәлак булганнарның гаиләләренә 1 миллион сум күләмендә матди ярдәм бүлеп биреләчәк», — дип китерә аның сүзләрен Дагестан башлыгының матбугат хезмәте телеграм-каналы.
