Теледоктор Елена Малышева федераль телеканал эфиры аша ир-атларны йөклелек буенча тест тапшырырга чакырган. Аның әйтүенчә, шул рәвешле яман шешнең “баш калкытып” килүен ачыкларга мөмкин. Бу хакта “ТНВ” яза.
Тапшыруда Елена Малышева һәм иммунолог Андрей Продеус йөклелек буенча тест ярдәмендә хатын-кызның канында бета-ХГЧ гормоны микъдарының ачыклануын искә төшергән.
Гормон тиешледән артыграк булса, тест уңай нәтиҗә күрсәтәчәк. Әлеге тестны тапшырган ир-ат та ике полосаны күрергә мөмкин. “Шулай икән, ир-атның күкәйлегендә яман шеш булырга мөмкин”, — дип аңлатып үткән Малышева.
