Бүгенге көнгә Россиядә 8 мең мәчет төзелгән һәм бу чиркәүләр һәм синагоглар төзелеше кебек үк дәвам итәчәк. Бу хакта Россия Президенты Владимир Путин «Сообщество» форумында Иҗтимагый палата вәкилләре белән очрашуда белдерде.
Аның сүзләренчә, Гарәп дөньясы илләреннән кайбер мөселман хезмәттәшләре бу фантастик саннарга ышанмый икән.
«Совет чорында шулкадәр беркайчан да төзелмәде. Бөтен ил буенча меңләгән, 8 мең мәчет төзелгән… Процесс дәвам итә, һәм ул безнең барлык традицион конфессияләребез өчен дәвам итәчәк, анда кешеләр рухи ярдәм ала », — диде Путин.
«Сообщество» форумы — гражданлык активистлары, коммерцияле булмаган оешмалар вәкилләре һәм социаль өлкәдә җәмгыять иминлеге өчен эшләргә теләүче битараф булмаган кешеләр өчен мәйданчык ул.
