Казанда кичә кичен югалган 12 яшьлек малайны тапканнар. Бу хакта “ЛизаАлерт” эзләү-коткару отрядының рәсми төркемендә хәбәр иттеләр.
“Табылды, исән! Югалган кешеләрне эзләүдә теләсә нинди ярдәм – бәһаләп бетергесез. Фәкать кешеләрнең битараф булмаулары нәтиҗәсендә генә бу эшне башкарып чыгарга мөмкин. Эзләүдә катнашучыларның барчасына рәхмәт!” – диелгән хәбәрдә.
Исегезгә төшерәбез: кичә 12 яшьлек малай өеннән чыгып киткән һәм кире әйләнеп кайтмаган. Шуннан соң хокук саклау органнары һәм эзләү отрядлары аны эзләүгә керешкән.
