Кичке тугыздан соң ашау йөрәк авырулары куркынычын өчтән бер өлешкә арттыра.
Мәскәү дәүләт университеты клиникасы эндокринологы Зөһрә Павлова иртәнге һәм кичке ашны соңга калдыруның йөрәк-кан тамырларына зыян китерүе турында кисәткән.
“NutriNet-Sant” тикшеренүе нәтиҗәләренә караганда, кичке тугыздан соң ашау йөрәк авырулары куркынычын өчтән бер өлешкә арттыра. Иртәнге ашны кичектерү дә мондый куркынычны көчәйтә. Табиб әйтүенчә, иртәнге ашны тоткарлауның һәр сәгате йөрәк-кан тамырлары авырулары килеп чыгу ихималын 6 процентка арттыра.
