24 декабрьдә кичке сигезенче яртылар тирәсендә Кукмара районы Чарлы авылында янгын чыгу турында коткару хезмәтенә хәбәр кергән. Бу хакта “Трудовая слава” районның коткару хезмәте мәгълүматларына таянып яза.
Коткаручылар килгәндә, янгын инде йортның барлык мәйданына таралган, утның сарайга да күчү куркынычы булган.
Янгын 80 кв. метр мәйданны көлгә әйләндергән. Утта зыян күрүчеләр һәм һәлак булучылар юк.
