Бәхеткә, малайга җитди зыян килмәгән.
Татарстан Прокуратурасы Питрәч районының Көек авылында бер баланың тротуардан барганда, аягы таеп, машина астына эләгүе турындагы хәбәрне тикшерә. Бу хакта “KazanFirst” ведомствоның матбугат хезмәте хәбәренә таянып яза.
Сишәмбе – 9 сентябрьдә социаль челтәрләрдә бер малайның мәктәптән кайтканда тротуарда таеп китеп, машина астына эләгүе турында хәбәрләр пәйда булган.
Бәхеткә, балага җитди зыян килмәгән. Әмма Татарстан Прокуратурасы килеп туган хәл буенча тикшерү үткәрәчәк.
