Матбугат чаралары алдында торган төп бурычларның берсе — халыкны ялган мәгълүматтан саклау. Татарстан Рәисе Администрациясе башлыгы Әсгать Сәфәров «Татмедиа» коллегиясендә шулай дип белдерде.
Сәфәров әйтүенчә, илнең мәгълүмати иминлеге, халкының куркынычсызлыгы журналистларга, аларның каршылыкларга нык тора белүенә бәйле.
— Кире кагу гына түгел, ә эчтәлек тә күрсәтү кирәк. Бары тик тәнкыйди фикерләү генә безгә коткы тарату һәм провокацияләр белән көрәшергә мөмкинлек бирәчәк, — диде ул.
