Бүген Татарстан Республикасы Рәисе Рөстәм Миңнеханов һәм РФ Хөкүмәте Рәисе урынбасары Дмитрий Чернышенко Казан теннис академиясе бинасын карадылар. Килүләренең төп максаты — «Киләчәк уеннары» концепциясендә фиджитал халыкара мультиспорт турниры кысаларында ярышлар уздыруга объектның әзерлеген бәяләү.
Объектның «юл картасы» һәм аның характеристикалары турында Казан Теннис академиясе җитәкчелеге вәкилләре сөйләде.
2011 елдан Теннис академиясе Идел буе дәүләт физик культура, спорт һәм туризм университетының структур бүлекчәсе булып тора. Теннис академиясе базасында берничә тапкыр спорт ярышлары, шул исәптән халыкара масштабта да уздырылды.
2023 елда биредә «фиджитал-футбол» дисциплинасы буенча, шулай ук фиджитал тактик көрәш кебек дисциплиналар буенча «Киләчәк уеннары» халыкара уеннары «Фиджитал лайв» тест чаралары узды.
«Киләчәк уеннары» мультиспорт турниры кысаларында 2024 елның 20 февраленнән 3 мартына кадәр Казан Теннис академиясендә дисциплиналар буенча ярышлар узачак: фиджитал тактик көрәш (Standoff 2 + лазертаг); фиджитал тактик көрәш (Warface + лазертаг); ФИДЖИТАЛ тактик көрәш (CS2 + лазертаг).
Казан Теннис академиясендә Россия Спорт министры урынбасары Азат Кадыйров, Татарстан спорт министры Владимир Леонов, башка рәсми затлар катнашты.
