Бу хакта журналистлар белән очрашуда Татарстанның мәдәният министры Ирада Әюпова хәбәр итте.
Министр сүзләренә караганда, «Татарстанның мәдәни башкаласы» проекты 2024 елның иң үзенчәлекле чараларының берсе булган.
— Аның кысасында ел дәвамында башкалабызда республика районнарының Мәдәният көннәре узды. Быел да без бу күркәм традицияне дәвам итәбез. Проект Татарстан Рәисе Рөстәм Нургалиевич тарафыннан да хупланды, — диде ул.
Татар мәдәни ресурс үзәге җитәкчесе Алсу Мифтаховага хәбәр итүенчә, проект кысасындагы беренче чара 5 апрельдә булачак. Бу көнне Тинчурин театры бинасында Арча районы мәдәнияте көне узачак. Сүз уңаеннан, узган ел нәкъ менә әлеге район «Татарстанның мәдәни башкаласы» исеменә лаек булды.
