Татарстанның биш районында дуңгызларны һәм дуңгызчылык продуктларын аеруча куркыныч авыруларны бетерү максатыннан юк итәләр. Татарстан премьер-министры Алексей Песошин тиешле карарны имзалаган.
Документ нигезендә, бу Әлки, Питрәч, Лаеш, Балык Бистәсе һәм Спас районнарының торак пунктларына кагыла. Указда барлыгы 100дән артык муниципаль берәмлек бар. Карарның үтәлешен контрольдә тоту Татарстан Министрлар Кабинетының Баш ветеринария идарәсенә йөкләнгән.
