Россиянең халык артисты Татьяна Васильеваның коронавирус йоктыруы ачыкланган. Бу турыда ТАСС хәбәр итә.
Артист хәле начарлангач хастаханәгә мөрәҗәгать иткән, коронавируска тест уңай булган.
Актриса табибларга нидән зарлануын һәм хастаханәгә бару-бармавына ачыклык кертмәгән.
Татьяна Васильева — Совет һәм Россия актрисасы. «Здравствуйте, я ваша тетя», «Сказки старого волшебника», «Самая обаятельная и привлекательная» һ.б. күпсанлы фильмнарда төшкән.
Россия Премьер-министры Михаил Мишустинның да коронавирус инфекциясен йоктыруы турында хәбәр ителгән иде.
