РСФСРның халык артисты Леонид Куравлев 85 яшендә вафат булган. Бу хакта РИА Новости агентлыгы аның улына сылтама белән хәбәр итә.
Гыйнвар башыннан бирле актер Коммунаркадагы 40нчы хастаханәдә пневмониядән дәваланган. 6 һәм 9 гыйнварда коронавируска ясаткан тестлары тискәре нәтиҗә күрсәткән. Шул ук вакытта, аның температурасы күтәрелгән, ә сатурациясе 89,6 процент күрсәткеченнән төшмәгән.
Соңрак аның ашказанына операция ясаганнар.
Совет һәм Россия актеры Куравлев тамашачыларга «Афоня», «Иван Васильевич меняет профессию», «Место встречи изменить нельзя», «Самая обаятельная и привлекательная», «Золотой теленок» кебек фильмнар буенча таныш.
