Сәламәтлек саклау министрлыгы россиялеләргә киләсе ял көннәрен өйләрендә үткәрергә, кеше күп урыннарда йөрүдән тыелып торырга киңәш итә. COVID-19 таралу сәбәпле, җәмәгать транспортыннан файдалануны да чикләргә тәкъдим итә, дип белдерде ведомство башлыгы ярдәмчесе Алексей Кузнецов.
«Кайбер төбәкләрдә яңа коронавирус инфекциясе белән авыручылар санының артуы күзәтелә. Без гражданнарга ял көннәрен гаилә әгъзалары белән бергә үткәрергә киңәш итәбез. Кунакка барудан, җәмәгать урыннарында йөрүдән тыелып торуыгызны, җәмәгать транспортыннан файдалануны чикләүне сорыйбыз», — диде Кузнецов журналистларга.
