Мәскәү — Казан тизйөрешле автотрассасы якын-тирәдәге авылларны үстерү өчен этәргеч бирәчәк, җирле халыкның тормыш сыйфатын яхшыртачак. Бу хакта республиканың транспорт һәм юл хуҗалыгы министры Фәрит Хәнифов ТР Лаеш районы Орел авылында яшәүчеләр белән очрашуда хәбәр итте.
«Бу юл күп еллар алга таба территорияләр үсешенә зур этәргеч бирәчәк, шуннан файдалана белергә кирәк. Төзелеш вакытында дүрт елга алдан — 2024 елга кадәр түгел, ә 2030 елга кадәр карарга кирәк «, — диде министр.
Хәнифов якын-тирәдәге авылларда су белән тәэмин итү, хайваннар дөньясын һәм сулыкларны саклау мәсьәләләре хәл ителәчәк, яшьләр, зур шәһәрләргә китмичә, туган җирләреннән ерак түгел эшләячәк.
«Әгәр дә без вакытлы биналарны һәм корылмаларны дөрес төзесәк, бу объектларны халык файдасына хезмәт итсен өчен районда калдырырга мөмкин», — дип билгеләде ул.
