Россия Президентының зур матбугат очрашуы башланып китте. Ул быел үзенчәлекле форматта уза. Ил башлыгы журналистларны онлайн тыңлаячак. 9 төрле мәйданчыкта 700дән артык матбугат чарасы вәкилләре урнашкан.
— Барыгызны да сәламлим. Коронавируслы вазгыять турыдан-туры линияне үткәрергә мөмкинлек бирмәде, шулай да матбугат очрашуын оештырырга булдык, — диде ил башлыгы. — Минем өчен мондый чаралар формаль түгел, мин аларга зур әһәмият бирәм. Россия гражданнары белән турыдан-туры аралашудан да кыйммәтлерәк нәрсә юк.
