Роспотребнадзорның Татарстан буенча идарәсе башлыгы урынбасары Любовь Авдонина хәбәр иткәнчә, март аенда коронавирусның 1 443 очрагы теркәлгән. Бу февраль күрсәткечләреннән 25 процентка түбәнрәк.
— Март безне сөендермәде. Авыручылар кимү темпы акрынайды. Февральдә гыйнвар белән чагыштырганда авыру 30 процентка кимегән иде. Мартта бу сан 25 процентны тәшкил итә. Тотрыксыз вазгыятьтә торабыз. Иң мөһиме — профилактика чараларын һәм гамәлдәге чикләүләрне үтәү. Шуңа ңа без чикләүләрне бетерү буенча бернинди тәкъдимнәр дә бирә алмыйбыз, — дип аңлатты Любовь Авдонина.
