Татарстан яшәү өчен иң яхшы төбәкләр исәбенә кергән

Татарстан Россиядә яшәү өчен иң яхшы төбәкләр исәбенә кергән. Республика 85 төбәк арасыннан 11 нче урынга чыккан.

Җан башына ваклап сату әйләнеше буенча иң яхшы нәтиҗәгә ирешелгән – 5,9 балл. Республикада уртача хезмәт хакы һәм 1 кв.м торак бәясе 1 балл итеп алынган. Рәсми эшләүчеләр саны ягыннан  – 4,7 балл, укытучылар белән тәэмин ителү ягыннан – 5 балл, медиклар белән тәэмин ителү ягыннан  3 балл бирелгән. Әйтергә кирәк, Татарстан узган елда да шушы ук урынны алган.

Төбәкләр рейтингын РБК басмасы һәм «Илдә кредит рейтинглары» агентлыгы белгечләре төзегән. Алар  халыкның тормыш сыйфатын һәм әйләнә-тирә мохитне бәяләү нигезендә төбәкләрдә тормыш сыйфатын бәяләгән.


Фикер өстәү