Минем өчен Россия ул –…
Рөстәм Асаев, Татарстанның атказанган җырчысы:
– Россияне бик бай ил ди саныйм. Халкы, үзендә яшәүче милләт вәкилләре белән бай ул. Сәясәткә керәсем килми. Анысы читтә торсын. Әмма бер теләгем бар – бай илнең халкы да рәхәт тормышта яшәргә тиеш. Кешеләр интегеп яшәмәсен иде. Һәр кеше иртәгесе көн өчен борчылмыйча, ничек яшим дип уйламыйча уянсын, тормыш алып бару кайгысы булмасын иде. Мин әле дә совет чорын сагынам. Менә ул чакта бөтенләй башкача иде.
