Минем өчен Россия ул –…
Марсель Шәйдуллин, Азнакай районы башлыгы:
– Россия – горурлыгыбыз, безнең туган ягыбыз. Без – бу җирнең патриотлары. Үзебездә булган бу хисләрне балаларыбызга да бирергә тиешбез. Алар да үз туган җирен, яшәгән урынын яратсын иде. Азнакаебызны тагын да уңай якка үзгәртергә дигән уйлар белән янабыз. Аны Чатыр тау биеклегенә кадәр күтәрәсе килә. Чит илләр кирәкми. Үз җиребездә авырмыйча, туган телебезне саклап, гореф-гадәтләребезне югалтмыйча яшисе килә.
