Татарстанда туып-үскән Айдар Гатиятов Россиянең фән һәм югары белем министры урынбасары итеп билгеләнде. Бу хакта карарны Россия Пермьер-министры Михаил Мишустин имзалады, дип хәбәр итә министрлыкның матбугат хезмәте.
«Гатиятов Айдар Ринат улын Россия Федерациясенең фән һәм югары белем министры урынбасары итеп билгеләргә», — диелә документта.
- Аңа кадәр Айдар Гатиятов Россия фән министрлыгының милек комплексын үстерү һәм бюджет инвестицияләре департаменты директоры, ә соңыннан ведомствоның бюджет инвестицияләре департаменты директоры булып эшләгән.
- Татарстанда ул Универсиаданың башкарма дирекциясендә әйдәп баручы белгеч була (2011-2012), 2012-2019 елларда республиканың Төзелеш министрлыгында эшләгән.
